هانرجع للتدوين تاني وللمدرسه برضه تاني

بعد فتره طويله من السكوت رجع عمرو يكلم تاني ويكتب تاني ويدون تاني
فعلا النا باتاسف لكم علي الفتره اللي حذفت فيها المدونه انا بصراحه حذفتها عشان ما تشغلنيش عن المذاكره علي امل اني اشغلها تاني اول الاجازه ظروف خاصه حالت دون عوده المدونه من جديد غير مع بدايه الدراسه
طبعا كله بيرحب بيه من جديد انا عارف صح
ندخل بقي في موضوع التدوينه وهو بدايه الدراسه اللي فعلا الواحد اشتاق لها كتير
اشتقنا لزمايلنا اللي بنلتقي بيهم في الفصل
استقنا لمدرسينا البايخين قوي قوي خاصه وانهم ها يكونوا متعكنيين (اصلهم لسه ممتحنين امتحان كادر ) ويارب يكونوا عرفوا حياه الطلبه شكلها ايه بعد التجربه اللي عاشوها ........ اصل انا فرحان قوي فيهم
اشتقنا للازاعه اللي دايما لازم المدير يدخل لانهائها بسبب الكلمه السياسيه اللي احنا (طلبه الاخوان ) بنعملها ......
اشتقنا لبعض زمايلنا اللي بيقضوا اليوم نكت

اشتقنا كمان لشغل الدعوه داخل المدرسه وبنتمني انها تكون سنه خير علي الدعوه
بصراحه (ومن غير ما تقولوا لحد )انا اشتقت للنت اللي ما قدرتش اقعد عليه في الاجازه
خلاص خلصت الاجازه الرخمه وجات المدرسه
جات المدرسه واحنا جميعا بندعي ربنا انها تكون سنه مليئه بالنجاح والتوفيق