مصر بتحترق بماس كهربي يا جدعان

ما ان ظهر علي شاشه الجزيره شريط احمر عريض اسفل الشاشه مكتوب عليه عاجل , حريق يشب في المسرح القومي بالقاهره حتي تبادر الي ذهني سؤال لم يعد غريب علي الشعب المصري يا تري ايه اللي عليه الدور يتحرق ويا تريس ممكن ييجي يوم يقولوا فيه القاهره اتحرقت او مصر اتحرقت والسبب ماس كهربي بصراحه بعد مجموعه الحرايق اللي مرت بيها مصر من قطار الصعيد الي قصر الثقافه الي مبني مجلس الشوري وصولا للمسرح القومي واللي كانت كلها او معظمها بسبب ماس كهربي الواحد ما يستبعدش ان مصر كلها تتحرق بماس كهربي
الغريب في الامر ان الحكومه في اي حريق بتعلق السبب علي شماعه ماس كهربي وكأن الماس الكهربي مش من اختصاص الحكومه وتظهر الحكومه بريئه تماما (ده ماس كهربي يا جدعان احنا مالنااش دعوه) وبقي واضح قوي انهم بيحددوا انم الحريق من ماس كهربي قبل حتي ما يوصلوا عنده
لكن البعض ربط بين حريق مجلس الشوري وحريق المسرح القومي خصوصا ان الاتنين ادوا الي طمس جزء من تاريخ مصر سواء اللسياسي في مجلس الشوري او الفني في المسرح القومي هل ممكن تكون هنالك مؤامره لطمس تاريخ مصر؟ ومين اللي عاوز يطمس تاريخ مصر ؟؟ وايه مصلحته في كده ؟؟؟؟؟؟؟؟؟؟؟؟؟؟؟؟
كل الاسئله ها اسيبها لكم انتم عشان تجاوبها
وعلي امل استقاله هعذه الحكومه (اللي ما بتاسرش فيها الحرايق )لكم مني خير الدعاء بالتوفيق